ΠΑΡΑΚΛΗΤΙΚΟΣ ΚΑΝΩΝ ΕΙΣ ΤΟΥΣ ΔΩΔΕΚΑ ΑΠΟΣΤΟΛΟΥΣ
Εἰς τὸ ὄνομα τοῦ Πατρός, τοῦ Υἱοῦ καὶ τοῦ ἁγίου Πνεύματος. Ἀμήν.
Ψαλμός ρμβ΄ (142)
Κύριε εἰσάκουσον τῆς προσευχῆς μου, ἐνώτισαι τὴν δέησίν μου ἐν τὴ ἀληθεία σου, εἰσάκουσόν μου ἐν τὴ δικαιοσύνην σου. Καὶ μὴ εἰσέλθεις εἰς κρίσιν μετὰ τοῦ δούλου σου, ὅτι οὐ δικαιωθήσεται ἐνώπιόν σου πᾶς ζῶν. Ὅτι κατεδίωξεν ὁ ἐχθρὸς τὴν ψυχήν μου, ἐταπείνωσεν εἰς γῆν τὴν ζωήν μου. Ἐκάθισεν μὲ ἐν σκοτεινοῖς ὡς νεκροὺς αἰῶνος, καὶ ἠκηδίασεν τὸ πνεῦμα μου, ἐν ἐμοὶ ἐταράχθη ἡ καρδίαν μου. Ἐμνήσθην ἡμερῶν ἀρχαίων, ἐμελέτησα ἐν πάσι τοῖς ἔργοις σου, ἐν ποιήμασι τῶν χειρῶν σου ἐμελέτησα. Διαπέτασα πρὸς σὲ τὰς χείρας μου, ἡ ψυχή μου ὡς γῆ ἄνυδρος σοί.
Ταχὺ εἰσάκουσόν μου, Κύριε, ἐξέλιπε τὸ πνεῦμά μου. Μὴ ἀποστρέψεις τὸ πρόσωπόν σου ἀπ’ ἐμοῦ, καὶ ὁμοιωθήσομαι τοῖς καταβαίνουσιν εἰς λάκον. Ἀκουστὸν ποίησόν μοι τὸ πρωὶ τὸ ἔλεός σου, ὅτι ἐπὶ σοί ἤλπισα· γνώρισὸν μοὶ κύριε, ὁδὸν ἐν ᾗ πορεύσομαι, ὅτι πρὸς σὲ ᾗρα τὴν ψυχήν μου. Ἐξελοὺ με ἐκ τῶν ἐχθρῶν μου Κύριε, πρὸς σὲ κατέφυγον, δίδαξόν με τοῦ ποιεῖν τὸ θέλημά σου, ὃτι σὺ εἶ ὁ Θεός μου. Τὸ Πνεῦμα σου τὸ ἀγαθὸν ὁδηγήσει με ἐν γῆ εὐθεία, ἕνεκεν τοῦ ὀνόματός σου, Κύριε, ζήσεις με, ἐν τῇ δικαιοσύνη σου ἑξάξεις ἐκ θλίψεως τὴν ψυχήν μου, καὶ ἐν τῷ ἐλέει σου ἐξολοθρεύσεις τοὺς ἐχθρούς μου. Καὶ ἀπολεῖς πάντας τοὺς θλίβοντας τὴν ψυχήν μου, ὅτι ἐγὼ δοῦλος σου εἰμί.
Ἦχος δ΄
Θεὸς Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Στιχ. α´. Ἐξομολογεῖσθε τῷ Κυρίῳ, καὶ ἐπικαλεῖσθε τὸ ὄνομα τὸ ἅγιον αὐτοῦ.
Θεὸς Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Στιχ. β´. Πάντα τὰ ἔθνη ἐκύκλωσάν με, καὶ τῷ ὀνόματι Κυρίου ἠμυνάμην αὐτούς.
Θεὸς Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Στιχ. γ´. Παρὰ Κυρίου ἐγένετο αὔτη, καί ἐστι θαυμαστὴ ἐν ὀφθαλμοῖς ἡμῶν.
Θεὸς Κύριος, καὶ ἐπέφανεν ἡμῖν, εὐλογημένος ὁ ἐρχόμενος ἐν ὀνόματι Κυρίου.
Ἦχος δ΄. Ὁ ὑψωθεὶς ἐν τῷ Σταυρῷ.
Τῶν Ἀποστόλων δωδεκάριθμε δῆμε, οἵ τοῦ Σωτῆρος Μαθηταὶ καὶ αὐτόπται, ὑπὲρ ἡμῶν πρεσβεύσατε πρὸς Κύριον, ῥύεσθαι ἑκάστοτε, πειρασμῶν καὶ κινδύνων, καὶ διδόναι ἄφεσιν, δυσωποῦμεν πταισμάτων, τοῖς προσιούσι πίστει ἀκλινεῖ, τῇ προστασίᾳ ὑμῶν ἀξιάγαστοι.
Δόξα Και νυν. Θεοτόκιον.
Οὐ σιωπήσωμέν ποτε, Θεοτόκε, τάς δυναστείας σου λαλεῖν οἱ ἀνάξιοι. Εἰ μὴ γὰρ σὺ προΐστασο πρεσβεύουσα, τὶς ἡμὰς ἐρρύσατο ἐκ τοσούτων κινδύνων, τὶς δὲ διεφύλαξεν ἕως νῦν ἐλευθέρους; Οὐκ ἀποστῶμεν, Δέσποινα, ἐκ σοῦ, σούς γὰρ δούλους σῴζεις ἀεὶ ἐκ παντοίων δεινῶν.
Ο Ν' Ψαλμός
Ἐλέησον μέ, ὁ Θεός, κατὰ τὸ μέγα Ἔλεός Σου, καὶ κατὰ τὸ πλῆθος τῶν οἰκτιρμῶν Σου, ἐξάλειψον τὸ ἀνόμημά μου. Ἐπὶ πλεῖον πλῦνον μὲ ἀπὸ τῆς ἀνομίας μου καὶ ἀπὸ τῆς ἁμαρτίας μου καθάρισον μέ. Ὅτι τὴν ἀνομίαν μου ἐγὼ γινώσκω, καὶ ἡ ἁμαρτία μου ἐνώπιόν μού ἐστι διὰ παντός. Σοὶ μόνῳ ἥμαρτον καὶ τὸ πονηρὸν ἐνώπιόν Σου ἐποίησα, ὅπως ἂν δικαιωθεὶς ἐν τοῖς λόγοις Σου, καὶ νικήσῃς ἐν τῷ κρίνεσθαι Σέ. Ἴδού γὰρ ἐν ἀνομίαις συνελήφθην καὶ ἐν ἁμαρτίαις ἐκίσσησε μὲ ἡ μήτηρ μου. Ἰδού γὰρ ἀλήθειαν ἠγάπησας, τὰ ἄδηλα καί τὰ κρύφια τῆς σοφίας Σου ἐδήλωσάς μοι. Ῥαντιεὶς με ὑσσώπω καὶ καὶ καθαρισθήσομαι, πλυνεῖς μὲ καὶ ὑπὲρ χιόνα λευκανθήσομαι. Ἀκουτιείς μοι ἀγαλλίασιν καὶ εὐφροσύνην, ἀγαλλιάσονται ὀστέα τεταπεινομένα. Ἀπόστρεψον τὸ πρόσωπόν Σου ἀπὸ τῶν ἁμαρτιῶν μου καὶ πάσας τάς ἀνομίας μου ἐξαλεῖψον. Καρδίαν καθαρὰν κτίσον ἐν ἐμοὶ ὁ Θεός, καὶ πνεῦμα εὐθὲς ἐγκαίνησον ἐν τοῖς ἐγκάτοις μου. Μὴ ἀπορρίψης μὲ ἀπὸ τοῦ προσώπου Σου, καὶ τὸ πνεῦμά Σου τὸ ἅγιον μὴ ἀντανέλῃς ἀπ’ ἐμοῦ. Ἀπόδος μοι τὴν ἀγαλλίασιν τοῦ σωτηρίου Σοῦ, καὶ πνεύματι ἡγεμονικῷ στηριξὸν μὲ . Διδάξω ἀνόμους τάς ὁδούς Σου, καὶ ἀσεβεῖς ἐπὶ Σὲ ἐπιστρέψουσι. Ῥυσαὶ μὲ ἐξ αἱμάτων ὁ Θεός, ὁ Θεὸς τῆς σωτηρίας μου, ἀγαλλιάσεται ἡ γλῶσσά μου τὴν δικαιοσύνην Σου. Κύριε, τὰ χείλη μου ἀνοίξεις, καὶ τὸ στόμα μου ἀναγγελεῖ τηνα αἴνεσίν Σου. Ὅτι εἰ ἠθέλησας θυσίαν, ἔδωκα ἄν, ὁλοκαυτώματα οὒκ εὐδοκήσεις. Θυσία τῷ Θεῷ πνεῦμα συντετριμμένον, καρδίαν συντετριμμένην καὶ τεταπεινομένην ὁ Θεὸς οὒκ ἐξουδενώσει. Ἀγάθυνον, Κύριε , ἐν τῇ εὐδοκίαν Σου τὴν Σιῶ, καὶ οἰκοδομηθήτω τὰ τείχη Ἱερουσαλήμ. Τότε εὐδοκήσεις θυσίαν δικαιοσύνης, ἀναφορὰν καὶ ὁλοκαυτώματα. Τότε ἀνοίσουσιν ἐπὶ τὸ θυσιαστήριόν Σου μόσχους.
Ὠδὴ α'. Ἠχος πλ. δ'. Ὑγρὰν διοδεύσας.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ἡλίου ἀκτῖνες τοῦ νοητοῦ, Χριστοῦ τοῦ Σωτῆρος, καὶ Ἀπόστολοι θαυμαστοί, παθῶν μου σκεδάσατε τὸ σκότος, ταῖς φωταυγέσιν ὑμῶν παρακλήσεσιν.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ἀκρότης τυγχάνοντες Μαθητῶν, ὢ Πέτρε καὶ Παῦλε, ἀκαθάρτων ἡμὰς παθῶν, ῥύσασθε ὑμῶν ται ἱκεσίαις, καὶ πολυτρόπων κινδύνων καὶ θλίψεων.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Πηγάζοντες ὕδωρ τὸ καθαρόν, ζωῆς αἰωνίου, δωδεκάριθμοι Μαθηταί, ποτίσατε νᾶμα σωτηρίας, τοὺς τηκομένους αἰχμῶ παραβάσεων.
Θεοτοκίον.
Ὁ πάντων Δεσπότης καὶ Ποιητής, ἐκ σοῦ ἐσαρκώθη, καὶ διέσωσε τὸν Ἀδάμ, ὢ πρεσβεῦε Κόρη Θεομῆτορ, σώσαι κἀμὲ ἁμαρτίαις ὀλλύμενον.
Ὠδὴ γ'. Οὐρανίας ἁψῖδος.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Σωτηρίας πρὸς τρῖβον, καὶ πρὸς ζωὴν κρείττονα, σὺν τῷ ἱερῷ Ἰακώβω, Ἀνδρέᾳ πάνσοφε, καθοδηγήσατε, τοὺς ἀδιστάκτῳ καρδίᾳ, τὴν ὑμῶν βοήθειαν, αἰτοῦντας πάντοτε.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Τῶν ἐχθρῶν τάς ἑφόδους, τάς καθ΄ἡμῶν λύσατε, καὶ πειρατηρίων ποικίλων, ἡμᾶς λυτρώσασθε, ὢ Ἰωάννη σοφέ, σὺν τῷ Φιλίππῳ τῷ θείῳ, ὡς μεσῖται μέγιστοι, ἡμῶν πρὸς Κύριον.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ὁλικὴ διανοία, πίστει ὑμῖν σπεύδομεν, δώδεκα Χριστοῦ μυστολέκται, καὶ ἀνακράζομεν, ἐκ πάσης θλίψεως, καὶ ἀσθενείας καὶ βλάβης, ἀσινεῖς λυτρώσασθε, ἡμᾶς δεόμεθα.
Θεοτοκίον
Λυτρωτὴν καὶ Σωτηρά, πάντων βροτῶν τέξασα, ἐκ τῶν σῶν ἀχράντων αἱμάτων, Χριστὸν Πανύμνητε, τῆς τῶν δαιμόνων μέ, ἐπιδρομῆς καὶ μανίας, λύτρωσαι μὲ δέομαι, τῇ σῇ χρηστότητι.
Διάσωσον ὁ δωδεκάριθμος ἀριθμὸς δῆμος τῶν Ἀποστόλων, ἀπὸ πάσης ἐπιφορᾶς καὶ κακώσεως, τοὺς προσιόντας τῇ θείᾳ ὑμῶν πρεσβεία.
Ἐπίβλεψον ἐν εὐμενείᾳ πανύμνητε Θεοτόκε, ἐπί τήν ἐμήν χαλεπήν τοῦ σώματος κάκωσιν, καί ἴασαι τῆς ψυχῆς μου τό ἂλγος.
Κάθισμα. Ήχος β΄. Πρέσβεια θερμή.
Προστάται ἡμῶν, καὶ θεῖοι ἀντιλήπτορες, Χριστοῦ Μαθηταί, ὑπάρχοντες μὴ παύσησθε, ἀπαύστως ἐκλυτρούμενοι, τῶν ἐν βίῳ δεινῶν περιστάσεων, τοὺς τῇ ἁγίᾳ ὑμῶν ἀρωγή, ἐν πίστει καὶ πόθῳ καταφεύγοντας.
Ὠδὴ δ'. Εἰσακήκοα Κύριε.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ὡς ἀστέρες ἀείφωτοι, σὺν Βαρθολομαίω Θῶμα μακάριε, τῷ φωτὶ τῶν πρεσβειῶν ὑμῶν, λύσατε τὸν ζόφον τῆς καρδίας μου.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Νόμῳ θείῳ λαμπρύνατε, οἵα νομοθέται τῆς θείας χάριτος, σὺν Ματθαίῳ Μᾶρκε ἔνδοξε, τοὺς τῇ φωταυγεία ὑμῶν σπεύδοντας.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Χάριν θείαν καὶ ἔλεος, δώδεκα Ἀπόστολοι ἱερώτατοι, καὶ πταισμάτων ἀπολύτρωσιν, παρὰ τοῦ Χριστοῦ ἡμῖν αἰτήσασθε.
Θεοτοκίον
Ἀειπάρθενε Δέσποινα, πάσης μεθοδείας τοῦ πολεμήτορος, τὴν καρδίαν μου ἀπάλλαξον, καὶ φωτὶ μὲ θείῳ καταλάμπρυνον.
Ὠδή ε'. Φώτισον ἡμᾶς.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ῥύσασθε ἡμᾶς, ὁ Ἰούδας ὁ θεάδελφος, καὶ Λουκᾶς ὁ μυστογράφος ὁ σοφός, ἐπηρείας τοῦ δολίου πολεμήτορος.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ἴασαι Σωτήρ, τῆς ψυχῆς μου τὰ συντρίμματα, ταῖς πρεσβείαις τῶν κλεινῶν σοῦ Μαθητῶν, Σίμωνός τε καὶ Ματθία τοῦ θεόφρονος.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Σύστημα σεπτόν, δωδεκάριθμοι Ἀπόστολοι, τάς μυρίας τοῦ ἐχθροῦ ἐπιδρομάς, καθ΄ἡμῶν κατασυντρίψατε δεόμεθα.
Θεοτοκίον.
Μῆτερ τοῦ Θεοῦ, Θεοτόκε Ἀειπάρθενε, ἐκ ματαίων ἐννοιῶν καὶ λογισμῶν, τὴν καρδίαν καὶ τὸν νοῦν μου ἀποκάθαρον.
Ὠδὴ στ'. Τὴν δέησιν.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ἐκ πάσης, ἐπιβουλῆς καὶ ἀπάτης, καὶ δεινῶν πειρατηρίων τοῦ βίου, Πέτρε καὶ Παῦλε αὐτόπται Κυρίου, ἀεὶ λυτροῦσθε τοὺς πίστει προσπίπτοντας, τῇ θαυμαστῇ ἐπισκοπῇ, τῆς ὑμῶν μεσιτείας πρὸς Κύριον.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Σαρκός μου, τάς χαλεπὰς ἀρρωστίας, καὶ ψυχῆς τάς ἀφορήτους ὀδύνας, τῇ δεδομένῃ ὑμῖν ἐξουσία, ὢ Ἰωάννη καὶ θεῖε Ἰάκωβε, γόνοι βροντῆς πανευκλεεῖς, θεραπεύσατε θᾶττον μακάριοι.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Κακίαν, τὴν καθ΄ἡμῶν τοῦ Βελίαρ, δωδεκάριθμε χορεία ἁγία, τῶν του Χριστοῦ ἱερῶν Ἀποστόλων, κατασυντρίψατε τάχος δεόμεθα, καὶ κυβερνήσατε ἡμᾶς, πρὸς λιμένα θείου θελήματος.
Θεοτοκίον.
Ἐτέχθη, ἐκ τῶν ἁγνῶν σοῦ αἱμάτων, ὁ τὰ ὄντα ἐκ μὴ ὄντων ποιήσας, ἐν ἡμετέρᾳ μορφῇ Θεοτόκε, δι΄εὐσπλαχνίας ἀπέραντον πέλαγος, καὶ ἔσωσεν ἐκ τῆς ἄρας, τοὺς ὑμνούντας τὸν ἄφραστον τόκον σου.
Διάσωσον ὁ δωδεκάριθμος δῆμος τῶν Ἀποστόλων, ἀπὸ πάσης ἐπιφορᾶς καὶ κακώσεως, τοὺς προσιόντας τῇ θείᾳ ὑμῶν πρεσβεία.
Ἄχραντε, ἡ διὰ λόγου τόν Λόγον ἀνερμηνεύτως, ἐπ’ ἐσχάτων τῶν ἡμερῶν τεκοῦσα δυσώπησον, ὡς ἔχουσα μητρικήν παρρησίαν.
Κοντάκιον.
Ἦχος β'. Ταῖς τῶν αἱμάτων σου.
Ὢ δωδεκὰς Ἀποστόλων ἡ παντιμος, τῇ Παναγίᾳ Τριάδι πρεσβεύσατε, τοῦ ῥύεσθαι πόνων καὶ θλίψεων, τοὺς τῇ πρεσβείᾳ ὑμῶν καταφεύγοντας, ὢ Μύσται τῆς θείας χρηστότητος.
Εἶτα τὸ Α΄ ἀντίφωνον τῶν Ἀναβαθμῶν τοῦ δ΄ ἤχου.
Ἐκ νεότητός μου, πολλὰ πολεμεῖ μὲ πάθη* ἀλλ΄ αὐτὸς ἀντιλαβοῦ, καὶ σῶσον Σωτήρ μου. Δίς
Οἱ μισοῦντες Σιών, αἰσχύνθητε ἀπὸ τοῦ Κυρίου* ὡς χόρτος γὰρ πυρὶ ἔσεσθε ἀπεξηραμμένοι. Δίς
Δόξα…
Ἁγίῳ Πνεύματι, πᾶσα ψύχη ζωοῦται καὶ καθάρσει ὑψοῦται, λαμπρύνεται τῇ Τριαδικη Μονάδι ἱεροκρυφίως.
Καὶ νῦν…
Ἁγίῳ Πνεύματι ἀναβλυζει τὰ τῆς χάριτος ῥεῖθρα, ἀρδεύοντα ἅπασαν τὴν κτίσιν, πρὸς ζωογονίαν.
Προκείμενον.
Εἰς πᾶσαν τὴν γῆν ἐξῆλθεν ὁ φθόγγος αὐτῶν, καὶ εἰς τὰ πέρατα τῆς οἰκουμένης τὰ ῥήματα αὐτῶν.
Στίχ.: Οἱ οὐρανοὶ διηγοῦνται δόξαν Θεοῦ…
.Εὐαγγέλιον
κατὰ Ματθαῖον (θ΄, 36. ι΄, 1-8).
Τῷ καιρῷ ἐκείνῳ, ἰδὼν ὁ Ἰησοῦς τοὺς ὄχλους, ἐσπλαχνίσθη περὶ αὐτῶν, ὅτι ἦσαν ἐκλελυμένοι, καὶ ἐρριμένοι ὡς πρόβατα μὴ ἔχοντα ποιμένα. Καὶ προσκαλεσάμενος τοὺς δώδεκα Μαθητὰς αὐτοῦ, ἔδωκεν αὐτοῖς ἐξουσίαν κατά πνευμάτων ἀκαθάρτων, ὥστε ἐκβάλλειν αὐτά, καὶ θεραπεύειν πᾶσαν νόσον καὶ πᾶσαν μαλακίαν. Τῶν δὲ δώδεκα Ἀποστόλων τὰ ὀνόματα εστίν ταῦτα· πρῶτος Σίμων ὁ λεγόμενος Πέτρος, καὶ Ἀνδρέας ὁ ἀδελφὸς αὐτοῦ, Ἰάκωβος ὁ του Ζεβεδαίου, καὶ Ἰωάννης ὁ ἀδελφὸς αὐτοῦ, Φιλοππος καὶ Βαρθολομαῖος, Θωμὰς καὶ Ματθαῖος ὁ τελώνης, Ἰάκωβος ὅ του Ἀλφαίου, καὶ Λεββαῖος ὁ ἐπικληθεὶς Θαδδαῖος, Σίμων ὁ Κανανίτης, καὶ Ἰούδας ὁ Ἰσκαριώτης, ὁ καὶ παραδοὺς αὐτόν. Τούτους τοὺς δώδεκα ἀπέστειλεν ὁ Ἰησοῦς, παραγγείλας αὐτοῖς, λέγων, εἰς ὁδὸν ἐθνῶν μὴ ἀπέλθητε, καὶ εἰς πόλιν Σαμαρειτῶν μὴ εἰσέλθητε, πορεύεσθε δὲ μᾶλλον πρὸς τὰ πρόβατα τὰ ἀπολωλότα οἴκου Ἰσραήλ. Πορευόμενοι δὲ κηρύσσετε λέγοντες, ὅτι ἤγγικεν ἡ βασιλεῖα τῶν οὐρανῶν. Ἀσθενοῦντας θεραπεύετε, λεπροὺς καθαρίζετε, νεκροὺς ἐγείρετε, δαιμόνια ἐκβάλλετε, δωρεὰν ἐλάβετε, δωρεὰν δότε.
Δόξα σοι, Κύριε, δόξα σοι.
Δόξα. Ταῖς τῶν Ἀποστόλων.
Καὶ νῦν. Ταῖς τῆς Θεοτόκου.
Στίχ: Ἐλέησόν με ὁ θεὸς κατὰ τὸ μέγα ἔλεός σου, καὶ κατὰ τὸ πλῆθος τῶν οἰκτιρμῶν σου ἐξάλειψον τὸ ἀνόμημά μου.
Προσόμοιον. Ἦχος πλ. β'. Ὅλην ἀποθέμενοι.
Δῆμε δωδεκάριθμε, τῶν ἱερῶν Ἀποστόλων, τῆς σοφίας ὄργανα, τοῦ Ἁγίου Πνεύματος θεῖοι ῥήτορες, οἱ τὴν γῆν ἅπασαν, πίστεως τῷ φέγγει, ἱερὼς καταφωτίσαντες, πολλὴν ὡς ἔχοντες, πρὸς τὸν Βασιλέα καὶ Κύριον, τὴν παρρησίαν ἔνδοξοι, ἵλεων αὐτὸν ἀπεργάσασθε, πᾶσι τοῖς ἐν πίστει, προστρέσουσιν ὑμῶν τῇ ἀρωγῇ, καὶ ἐξαιτοῦσιν ἑκάστοτε, ὑμῶν τὴν ἀντίληψιν.
Κύριε, ἐλέησον (ιβ´).
Ὠδὴ ζ'. Οἱ ἐκ τῆς Ἰουδαίας.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Παθημάτων τὴν φλόγα, ἐπομβρίαις ἁγίαις Ἀνδρέα ἔνδοξε, καὶ Φίλιππε τρισμάκαρ, σβέσατε δυσωποῦμεν, τῶν βοώντων ἑκάστοτε, ὁ τῶν Πατέρων ἡμῶν, Θεὸς εὐλογητὸς εἰ.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ἐκ παθὼν καὶ κινδύνων, ἀνωτέρους τηρεῖτε ἡμὰς δεόμεθα, σοφὲ Βαρθολομαῖε, Θῶμά τε θεηγόρε, ἵνα πόθῳ κραυγάζωμεν, ὁ τῶν Πατέρων ἡμῶν, Θεὸς εὐλογητὸς εἰ.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Γεωργοὶ θεηγόροι, ἀμπελῶνος τοῦ θείου σοφοὶ Ἀπόστολοι, νεώσατε ἀρότρῳ, τῷ θείῳ τάς καρδίας, τῶν βοώντων ἑκάστοτε, ὁ τῶν Πατέρων ἡμῶν, Θεὸς εὐλογητὸς εἰ.
Θεοτοκίον
Ἐν ὀδύνῃ καρδίας, σοὶ προσπίπτω Παρθένε, καὶ ἀνακράζω σοὶ, παθῶν τῆς τυραννίδος, ἀπάλλαξον τὸν νοῦν μου, καὶ βοώντα μὲ οἰκτεῖρον, ὁ τῶν Πατέρων ἡμῶν, Θεὸς εὐλογητὸς εἰ.
Ὠδὴ η'. Τὸν Βασιλέα.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ῥείθροις ἀΰλοις, τὴν ξηρανθεῖσαν ψυχήν μου, καταρδεύσατε Ματθαῖε θεηγόρε, καὶ Μᾶρκε θέοφρον, ὡς Μαθηταὶ Κυρίου.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ἀκτῖσι θείαις, ὑμῶν τῆς θείας πρεσβείας, καταυγάσατε ἡμῶν τάς διανοίας, Σιμῶν θεηγόρε, Λουκᾶ τε καὶ Ματθία.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Σύστημα θεῖον, τῶν ἱερῶν Ἀποστόλων, δωδεκάκρουνε πηγὴ τῆς Ἐκκλησίας, βλύσατέ μοι ὕδωρ, ζωῆς τῆς ἀθανάτου.
Θεοτοκίον.
Ἴασαι Κόρη, τὴν ἀσθενοῦσαν ψυχήν μου, ἁμαρτήμασι καὶ λογισμοῖς ἀτόποις, ἵνα σὲ δοξάζω, τὴν Κεχαριτωμένην.
Ὠδὴ θ'. Κυρίως Θεοτόκον.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Μὴ παύσησθε πρεσβεύειν, ὑπὲρ ἡμῶν Κυρίῳ, Πέτρε καὶ Παῦλε, Ἀνδρέα Ἰάκωβε, ὡς ἂν ζωῆς τῆς ἀλήκτου ἀξιωθείημεν.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Οἱ μύσται τοῦ Σωτῆρος, μάκαρ Ἰωάννη, Βαρθολομαῖε Ἰούδα καὶ Φίλιππε, Θῶμα Λουκᾶ καὶ Ματθαῖε ἡμᾶς φρουρήσατε.
Ἀπόστολοι τοῦ Χριστοῦ πρεσβεύσατε ὑπὲρ ἡμῶν.
Ὑψίστου παραστάται, Μᾶρκε καὶ Ματθία, καὶ θεῖε Σιμῶν ἀπαύστως πρεσβεύετε, ἁμαρτημάτων διδόναι ἡμῖν συγχώρησιν.
Θεοτοκίον
Ὑπὲρ τῶν προσκυνούντων, τὸν φρικτὸν σοῦ τόκον, δι΄οὐ φθορὰς καὶ θανάτου ἐρρύσθημεν, ὑπεραγία Παρθένε ἀπαύστως πρέσβευε.
Καὶ εὐθὺς ψάλλομεν τό.
Ἄξιόν ἐστιν ὡς ἀληθῶς, μακαρίζειν σὲ τὴν Θεοτόκον, τὴν Ἀειμακάριστον, καὶ Παναμώμητον, καὶ Μητέρα τοῦ Θεοῦ ἡμῶν. Τὴν Τιμιωτέραν τῶν Χερουβείμ, καὶ Ἐνδοξοτέραν ἀσυγκρίτως τῶν Σεραφείμ, τὴν ἀδιαφθόρως Θεὸν Λόγον τεκούσαν, τὴν ὄντως Θεοτόκον σὲ μεγαλύνομεν.
Mεγαλυνάρια.
Χαίροις Ἀποστόλων ἡ δωδεκάς, τῆς οἰκονομίας τοῦ Σωτῆρος μυσταγωγοὶ, χαίρετε φωστῆρες, ἁπάσης οἰκουμένης, σοφίας ὑπερκόσμου, ἐνδιαιτήματα.
Πέτρον Παῦλον Μᾶρκον καὶ τὸν Λουκᾶν, Ματθαῖον Ἀνδρέαν, Ἰωάννην τε καὶ Θωμάν, καὶ Βαρθολομαῖον, καὶ Φίλιππον Ἰούδαν, καὶ Σίμωνα Ματθίαν, ὕμνοις τιμήσωμεν.
Μύσται τοῦ Σωτῆρος καὶ Μαθηταί, τοῦ σαρκὶ φανέντος, καθωράθητε ἀληθῶς, καὶ τῶν οὐρανίων, ἐπόπται μυστηρίων, Ἀπόστολοι Κυρίου, θεοειδέστατοι.
Ῥύσασθε κινδύνων καὶ πειρασμῶν, καὶ πάσης ἀνάγκης δωδεκάριθμοι Μαθηταί, τοῦ Παμβασιλέως, ὑμῶν ταῖς ἱκεσίαις, τοὺς τῇ σεπτὴ πρεσβείᾳ, ὑμῶν προστρέχοντας.
Χαίρετε τῆς χάριτος θησαυροί, καὶ τῶν ἐν τῷ σκότει, λαμπαδοῦχοι καὶ ὁδηγοὶ, χαίρετε προστάται, Χριστοῦ τῆς Ἐκκλησίας, καὶ βοηθοῖ ἁπάντων, θεῖοι Ἀπόστολοι.
Ἔχοντες μεγίστην πρὸς τὸν Χριστόν, παρρησίαν ὄντως, δωδεκάριθμοι Μαθηταί, ἀεὶ δυσωπεῖτε, παθῶν διδόναι λύσιν, καὶ ἄφεσιν πταισμάτων, ἡμῖν δεόμεθα.
Πᾶσαι τῶν Ἀγγέλων αἱ στρατιαί, Πρόδρομε Κυρίου, Ἀποστόλων ἡ δωδεκάς, οἱ Ἅγιοι Πάντες, μετὰ τῆς Θεοτόκου, ποιήσατε πρεσβείαν, εἰς τὸ σωθῆναι ἡμᾶς
ΤΡΙΣΑΓΙΟΝ
Ἅγιος ὁ Θεός, Ἅγιος Ἰσχυρός, Ἅγιος Ἀθάνατος, ἐλέησον ἡμᾶς (ἐκ γ´).
Δόξα Πατρὶ καὶ Υἱῷ καὶ ἁγίῳ Πνεύματι, καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν.
Παναγία Τριάς, ἐλέησον ἡμᾶς. Κύριε, ἰλάσθητι ταῖς ἁμαρτίαις ἡμῶν. Δεσπότα, συγχώρησον τάς ἀνομίας ἡμῖν. Ἅγιε, ἐπίσκεψαι καὶ ἴασαι τάς ἀσθενείας ἡμῶν, ἕνεκεν τοῦ ὀνόματός σου.
Κύριε, ἐλέησον. Κύριε, ἐλέησον. Κύριε, ἐλέησον.
Δόξα Πατρὶ καὶ Υἱῷ καὶ ἁγίῳ Πνεύματι, καὶ νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν.
Πάτερ ἡμῶν, ὁ ἐν τοῖς οὐρανοῖς, ἁγιασθήτω τὸ ὄνομά σου· ἐλθέτω ἡ βασιλεία σου· γενηθήτω τὸ θέλημά σου ὡς ἐν οὐρανῷ καὶ ἐπὶ τῆς γῆς. Τὸν ἄρτον ἡμῶν τὸν ἐπιούσιον δὸς ἡμῖν σήμερον καὶ ἄφες ἡμῖν τὰ ὀφειλήματα ἡμῶν, ὡς καὶ ἡμεῖς ἀφίεμεν τοῖς ὀφειλέταις ἡμῶν· καὶ μὴ εἰσενέγκης ἡμᾶς εἰς πειρασμόν, ἀλλὰ ῥῦσαι ἡμᾶς ἀπὸ τοῦ πονηροῦ.
Ἀμήν
Ἀπολυτίκιον.
Ἦχος γ´.
Ἀπόστολοι Ἅγιοι, πρεσβεύσατε τῷ ἐλεήμονι Θεῷ , ἵνα πταισμάτων ἄφεσιν, παράσχῃ ταῖς ψυχαῖς ἡμῶν.
Τροπάρια.
Ἐλέησον ἡμᾶς, Κύριε, ἐλέησον ἡμᾶς, πάσης γὰρ ἀπολογίας ἀποροῦντες, ταύτην σοὶ τὴν ἱκεσίαν, ὦς Δεσπότη, οἱ ἁμαρτωλοὶ προσφέρομεν, ἐλεῆσον ἡμᾶς.
Δόξα...
Κύριε, ἐλέησον ἡμᾶς, ἐπὶ σοὶ γὰρ πεποίθαμεν, μὴ ὀργισθὴς ἡμῖν σφόδρα, μηδὲ μνησθὴς τῶν ἀνομιῶν ἡμῶν, ἀλλ' ἐπίβλεψον καὶ νύν, ὦς εὔσπλαγχνος, καὶ λύτρωσαι ἡμᾶς ἐκ τῶν ἐχθρῶν ἡμῶν, σὺ γὰρ εἶ Θεὸς ἡμῶν, καὶ ἡμεῖς λαός σου, πάντες ἔργα χειρῶν σου, καὶ τὸ ὄνομά σου ἐπικεκλήμεθα.
Καὶ νύν...
Τῆς εὐσπλαγχνίας τὴν πύλην ἄνοιξον ἡμῖν, εὐλογημένη Θεοτόκε, ἐλπίζοντες εἰς σέ, μὴ ἀστοχήσωμεν, ῥυσθείημεν διὰ σοῦ τῶν περιστάσεων, σὺ γὰρ εἶ ἡ σωτρηρία τοῦ γένους τῶν χριστιανῶν.
Προσόμον.
Ἦχος, β'. Ὅτε ἐκ τοῦ ξύλου.
Μύσται καὶ Ἀπόστολοι Χριστοῦ, οἱ τῆς Ἐκκλησίας φωστῆρες, ἀειλαμπέστατοι, δῆμε δωδεκάριθμε, καὶ θεοσύλλεκτε, τάς δεήσεις προσδέξασθε, ἡμῶν δυσωποῦμεν, καὶ μὴ διαλίπητε, Χριστῷ πρεσβεύοντες, ὅπως πειρασμῶν καὶ κινδύνων, καὶ πειρατηρίων παντοίων, πάντοτε ῥυώμεθα δεόμεθα.
Δι' ευχών των Αγίων Πατέρων ημών, κύριε Ιησού Χριστέ ο Θεός, ελέησον και σώσον ημάς. Αμήν
Δίστιχον.
Δέξαι δωδεκάριθμε σεπτὴ χορεία
Τὴν παροῦσαν δέησιν τοῦ Γερασίμου.
Σχόλια